Andùa sès, mìu paìs dzùvvi e griuvèr,
tsabrìn nasciö tsut gi öč vart di pastùr
an mès al fiå 'd bumài e 'd blantsiflùr?
Al cri d'l fuìn tö sès tumbå an dzunùč
s'la nivèra d'istå culùr d’la sànri;
si tài lets vöt, la vrìppa i fåi niå,
ài tats di bosc d'le ambrùne lu Sarvàn
cun såbra e svìggia a l'é nintrå.
La dzant aspàita la darèra fascinåda
pur parårse d'ansèma tàmpie e stsìnna
da la frèu fràida
Paìs, tö ås purdö lu mantèl riùnd,
tut ricamå a lünne;
ås purtå vìa sal carabàn le cünne
di figiàt e gi såc d' smans d'frìggule
cun la sàggia d'l föc ch' avüvarès
s' in'àutra còla, 'ndins a in'àutra dièža
Mìu dus paìs cun la camìža vàrda
me vöč anår cun gi tài mül ciamùnt,
fin dùa la vurp i dzüiia cun la lèbri,
dùa òmmi e fràmme i gi àn le ràis ban lònghe,
le föge s’ gi tsabàč e tànte abàgge
chi bålu la curànta 'ndins le uràgge
Må l'è pö 'd dzant: l'è d' rùri, d' bèule, d' pin
e cand la piàu sùn mìlla årbu fråiri
chi pårlu piàn scu dnans ai sìu več påiri
E l'òmmi, vu sabè, che s'al tsamìnna
al cumånda lu vant, e cand ambråsa
la fràmma a l'å föc d’ gi artizìn
ant gi öč, e lu sìu cör l'è in pum maiür,
se stràmma tsut gi bec scu åiga grànda,
scu la sèga crübàrta d’ la nivèra,
e manc lu Sarvanòt lu trubarìa
L'òmmi - craiè - l'å nint pugö mürìr:
al turnarè d' sigür 'nt la carèra
cun gi àutri: Dzåcu, Tèvi, Åna e Tsablìnna
an disàn qu'a mesdì, e l'è bon sàgn,
l'å vist vulår s’ la Mlìnna l'ågia nèra.
